عَلَم گویَد

کتنے ہی خیالات جگنووں کی طرح دماغ کی تاریکیوں میں آتے ہیں ،جگمگاتے ہیں،مگر پھر فوراً بجھ جاتے ہیں۔ میں انھیں پکڑنے کے کئی کوشش کرتا ہوں۔ان میں سے کبھی کوئی جگنو ہاتھ آیا تو آیا۔نہیں تو یہ عمل رات بھر جاری رہتا ہے۔صبح کے اجالے میں جب یہی جگنو تتلی بن جاتے ہیں تو اور زیادہ دلفریب لگتے ہیں۔ میں بے اختیار اپنی ہتھیلیاں ان کے آگے پسار دیتا ہوں، لیکن تب بھی کوئی تتلی کہاں میری ہتھیلی پر آکر بیٹھتی ہے۔ کاش!تاریک شب اور دراز ہو جائے،تاکہ میں کسی جگنو جیسے جگمگاتے خیال کو گرفت میں لاسکوں ۔

ہفتہ، 1 اکتوبر، 2016

نظم ائے ! غزا کے شرارتی بچو شاعر: خالد جمعہ ۔ فلسطین ،غزہ اردو ترجمہ:محمد علم اللہ

نظم

ائے ! غزا کے شرارتی بچو
شاعر: خالد جمعہ ۔ فلسطین ،غزہ

اردو ترجمہ:محمد علم اللہ

اے غزہ کے شرارتی بچو !
تم ! جو میری کھڑکی تلے اپنی تیز آوازوں سے مجھے پریشان رکھتے تھے
تم ! جن کے دم سے میری ہر صبح دھماچوکڑی اور شور شرابے سے آباد رہتی تھی
تم ! جو میرے گلدان کو بھی نہیں چھوڑتے ، توڑ دیتے تھے
اور میری بالکونی میں کھلے اکلوتے پھول کو بھی نوچ لیتے تھے
واپس آؤ ! پھر تم شور کرو ، جتنا چاہو ! چیخو اور چلاؤ !!
میرے سارے گلدان توڑ ڈالو
اچک لے جاو ! سارے پھول۔۔
مگر واپس آؤ !
آ بھی جاؤ !!!

0 تبصرہ جات:

ایک تبصرہ شائع کریں